Իրանը դատապարտում է սիրիական ժողովրդի նկատմամբ ԱՄՆ պատժամիջոցները

Իրանի արտգործնախարարության խոսնակ Աբբաս Մուսավին դատապարտել է սիրիական ժողովրդի նկատմամբ ԱՄՆ պատժամիջոցները և հայտարարել, որ Թեհրանը կշարունակի ուժեղացնել իր տնտեսական հարաբերությունները Դամասկոսի հետ: Այս մասին հայտնում է իրանական IRNA գործակալությունը:

Մուսավին նաև հայտարարել է, որ «Կեսար» կոչվող օրենքի կիրարկումը հակասում է միջազգային օրենքներին և խախտում է մարդու բնական իրավունքները:

Սիրիայի քաղաքացիական պաշտպանության մասին «Կեսար» օրենքը, որը ստորագրվել է ԱՄՆ նախագահ Դոնալդ Թրամփի կողմից 2019 թվականի դեկտեմբերին, ուժի մեջ է մտել հունիսի 17-ից: Փաստաթուղթը նախատեսում է պատժամիջոցներ կիրառել գրեթե բոլոր սիրիական տնտեսական և առևտրային գործունեության, ինչպես նաև պետական պաշտոնյաների վրա:

Մուսավին նշել է, որ մինչ ամբողջ աշխարհը պայքարում է COVID-19 համաճարակի սպառնալիքի դեմ, այնպիսի միջոցներ, ինչպիսիք են «անմարդկային պատժամիջոցների» կիրառումը, միայն մեծացնում են սիրիացինռրի տառապանքը:

Մուսավին ընդգծել է, որ Իրանը, ինչպես նախկինում, կշարունակի համագործակցել ընդդիմացող ժողովրդի և Սիրիայի կառավարության հետ և, չնայած ԱՄՆ պատժամիջոցներին, կամրապնդի տնտեսական կապերը նրանց հետ:

Ավելի վաղ ԱՄՆ պետքարտուղար Մայք Պոմպեոն իր թվիթերյան էջում հայտարարել էր, որ իր երկիրը լրացուցիչ պատժամիջոցներ է կիրառելու Սիրիայի կառավարության դեմ, ներառյալ նախագահ Բաշար Ասադի, նրա կնոջ, քրոջ և տասնյակ այլ սիրիական պաշտոնյաների: