Եթե ԱՄՆ-ը չեղարկի պատժամիջոցները, ապա Իրանը մեկ ժամվա ընթացքում պատրաստ է բանակցություններ սկսել. Ռոհանի

Եթե պաշտոնական Վաշինգտոնը չեղարկի Թեհրանի դեմ սահմանած պատժամիջոցները, ապա Իրանը պատրաստ է մեկ ժամվա ընթացքում բանակցություններ սկսել ԱՄՆ-ի հետ. ըստ Yerkir.am-ի՝ հայտնում է ՏԱՍՍ-ը՝ վկայակոչելով Իրանի Իսլամական Հանրապետության նախագահ Հասան Ռոհանիի խոսքերը:

«ԱՄՆ նախագահը որոշի վերացնել պատժամիջոցները, մենք մեկ ժամվա ընթացքում բանակցություններ կսկսենք»,- պարզաբանել է նա:

Հիշեցնենք, որ 2015 թվականին Իրանն ու միջազգային «միջնորդ վեցյակը»՝ Ռուսաստան, ԱՄՆ, Մեծ Բրիտանիա, Չինաստան, Ֆրանսիա, Գերմանիա, իրանական միջուկային ծրագրի շուրջ պատմական համաձայնության էին եկել: Ընդունվել է Գործողությունների համատեղ համապարփակ ծրագիր, որի դրույթներին հետևելն ազատել է Իրանին իր նկատմամբ ՄԱԿ-ի ԱԽ-ի, Եվրամիության ու ԱՄՆ-ի սահմանած տնտեսական ու ֆինանսական պատժամիջոցներից: