Իրանը Ուկրաինա կուղարկի խոցված ինքնաթիռի ինքնագրերը բոլոր պայմանների պահպանմամբ

Իրանը պատրաստ է Կիև ուղարկել հունվարին խոցված ուկրաինական Boeing-ի «սև արկղերը», եթե Ուկրաինան կարողանա հետևել բոլոր տեխնիկական պայմաններին. գրում է Tasnim-ը, նշելով՝  այս մասին հայտարարել է Իրանի ճանապարհների և քաղաքային զարգացման նախարար Մոհամմադ Էսլամին:

Նա, մասնավորապես, նշել է՝ հարցը, թե ուր ուղարկել ինքնագրերը՝ Ուկրաինա, թե Ֆրանսիայի Քաղաքացիական ավիացիայի անվտանգության հետաքննության և վերլուծության բյուրո (BEA), տեխնիկական է, այլ ոչ թե քաղաքական։ 

Միևնույն ժամանակ Էսլամին հավելել է, որ եթե բոլոր պայմանները չպահպանվեն, ապա տվյալները կփոխանցվեն Ֆրանսիային. «Ամեն դեպքում ինքնագրերի վերծանումը ենթադրում է Իրանի եւ Ուկրաինայի, ինչպես նաեւ ինքնաթիռը արտադրող ընկերության ներկայացուցիչների ներկայություն», - հստակեցրել է նա։