Իրանը ուկրաինական ինքնաթիռի սև արկղերը կուղարկի Ֆրանսիա. Զարիֆ

Իրանի արտգործնախարար Մոհամմադ Ջավադ Զարիֆը հայտարարել է, որ Իսլամական հանրապետությունը ուկրաինական ինքնաթիռի սև արկղը կուղարկի Ֆրանսիա. հայտնում է իրանական IRNA գործակալությունը:

Զարիֆն այս մասին հայտարարել է կանադացի գործընկերոջ՝ Ֆրանսուա-Ֆիլիպ Շամպայնի հետ ունեցած հեռախոսազրույցում: Նա նշել է, որ նման որոշումը կայացվել է ավելի վաղ և կյանքի կկոչվի մոտ ապագայում:

Արտաքին գործերի նախարարը շեշտեց, որ Իրանը պատրաստ է լուծել իրավական խնդիրները, փոխհատուցել աղետի զոհերին և փոխհատուցել ուկրաինական ինքնաթիռի կորուստները, սակայն, Ուկրաինան դեռևս չի ներկայացրել մեկ պատվիրակություն:

2020 թվականի հունվարի 8-ին ուկրաինական Boeing 737 մարդատար ինքնաթիռը պատահաբար խոցվել էր Թեհրանի մերձակայքում գտնվող իրանական երկու հրթիռների կողմից: Իսլամական հեղափոխության պահապանների կորպուսի ավիացիոն տիեզերական ուժերի հրամանատար, բրիգադային գեներալ Ամիր-Ալի Հաջիզադեն խոստովանել էր, որ ինքն է պատասխանատու ինքնաթիռի խոցման համար: