«Լաքեյի» հոգեբանությամբ հացկատակները միշտ գործուն են պահում պետականության հիմքում դրված ռումբերը. Բ. Եսայան

ՀՅԴ անդամ, ԿԳ նախկին փոխնախարար Բագրատ Եսայանն իր ֆեյսբուքյան էջում գրում է. 

«Բոլոր ժամանակների իշխանությունների ձեռքին գործիք դարձած սասունխաչատրյաններն ու արթուրդավթյաններն են մեր այսօրվա այլանդակ, չկայացած քաղաքական համակարգի պատասխանատուները։ Էս տեսակի գոյություննա, որ լտպ-ից սկսած մինչև նիկոլ երկրի ղեկավարներին վստահություն է ներշնչել, որ քաղաքական հակառակորդներին ասպարեզից կարելի է վերացնել «ըստ նպատակահարմարության» քրեական հետապնդումներ սկսելով։ Սա ոչ միայն քրեական, այլև պետականության դեմ հանցագործություն է։ Եվ սրա համար բոլոր ժամանակներում «ծառայություններ» մատուցած անձինք մինչև պատասխանատվության չկանչվեն, մենք նորմալ պետություն չենք կառուցի։ Էս տեսակը չի էլ գիտակցում, որ ինքը մարդու իրավական պաշտպանվածության պատասխանատուն է, այլև երկրի ազգային անվտանգության սահմանապահը, չի էլ պատկերացնում, որ քաղաքական հետապնդումներից չապահովագրված քաղաքական գործիչը պետականության հիմքում դրված ռումբ է։

Ու այդ ռումբը միշտ գործուն պահողները էս «լաքեյի» հոգեբանությամբ և իրավաբանի դիպլոմով հացկատակներն են»։