Փաշինյանի հայտարությունների հիմքում դրված է Արցախը հանձնելու գործընթացի մարսման միտումը․ Աբրահամյան

Նիկոլ Փաշինյանը փորձում է հիմնավորել Արցախի՝ ադրբեջանական լինելը։ Այս մասին ԱԺ ճեպազրույցի ժամանակ ասաց «Պատիվ ունեմ» խմբակցության պատգամավոր Տիգրան Աբրահամյանը։

«Այն, ինչ ներկայացնում է Նիկոլ Փաշինյանը, ոչ միայն երեկ, այլև վերջին բոլոր հայտարարություններում, որևէ ձևով դրանք կա՛մ աղճատված են, կա՛մ չեն համապատասխանում իրականությանը։ Օրինակ՝ հղում է անում Մադրիդյան փաստաթղթին, ասում է՝ տեսեք, Մադրիդյան փաստաթղթի հիմքում եղել է մեկ սկզբունք՝ դա տարածքային ամբողջականության  սկզբունքն է։ Այստեղ շատերը տեղյակ են, որ, օրինակ, Մադրիդյան փաստաթղթի հիմքում եղել է երեք սկզբունք՝ տարածքային ամբողջականություն, ժողովրդի ինքնորոշման իրավունք և ուժի  ու սպառազինության  չկիրառում, այսինքն՝ ցանկացած մոտեցում ներկայացվում է աղճատված։ Նույնը վերաբերում է հանրաքվեին․․․ Նիկոլ Փաշինյանի հայտարարությունների հիմքում դրված է Արցախը հանձնելու գործընթացի  մարսման և հանրության կողմից  իր անձը, իր իշխանությունն անխոցելի դարձնելու միտումը»,- ասաց Աբրահամյանը։

Մանրամասն՝ տեսանյութում։