Թուրքիայի դատախազությունը Գյուլենի հետ առնչություն ունեցող 275 մարդկանց համար ձերբակալման որոշում է կայացրել

Թուրքական դատախազությունը որոշում է կայացրել ձերբակալել 275 քաղաքացու, որոնք կասկածվում են ԱՄՆ-ում գտնվող հայտնի թուրք աստվածաբան, կրոնական գործիչ Ֆեթուլլահ Գյուլենի հետ առնչություն ունենալու մեջ. հայտնում է «Անադոլու» գործակալությունը։

Հիմնականում զինված ուժերի անձնակազմում տեղի ունեցող ձերբակալման գործողությունները կատարվում են Թուրքիայի 22 նահանգներում, արդեն ձերբակալվել է 145 մարդ։

Ստամբուլի ոստիկանությունը հայտնում է, որ դատախազությունը ձերբակալության որոշում է կայացրել 44 զինծառայողների, այդ թվում ՝ մայորի և երեք լեյտենանտի, ինչպես նաև բժիշկների և ուսուցիչների համար: Ոստիկանությունում նշել են, որ ութ նահանգներում գործողության ընթացքում արդեն ձերբակալվել է 33 մարդ:

Նաև Թուրքիայում Ռազմաօդային ուժերից  ձերբակալվել է 32 մարդ:

Անկարան Գյուլենին մեղադրում է 2016-ի հուլիսին Թուրքիայում հեղաշրջման փորձ կատարելու համար: Գյուլենը, որը 1999 թվականից բնակվում է Միացյալ Նահանգներում, մերժել է ցանկացած ներգրավվածության մասին տեղեկություն։