Դինքի սպանության գործով ձերբակալման որոշում է կայացվել Գյուլենի նկատմամբ

Պոլսում լույս տեսնող հայկական «Ակօս» թերթի գլխավոր խմբագիր Հրանտ Դինքի սպանության գործով որոշում է կայացվել ձերբակալել Թուրքիայում ահաբեկչական համարվող կազմակերպության ղեկավար Ֆեթուլլահ Գյուլենին։

Հիշեցնենք, որ Էրդողանի գլխավոր ընդդիմադիր Գյուլենը մեղադրվում է նաև Թուրքիայում ռազմական հեղաշրջման փորձը գլխավորելու մեջ։

Ըստ Demokrathaber-ի՝ Ստամբուլի թիվ 14 առանձնակի ծանր հանցագործությունների դատարանում այսօր ևս շարունակվել է հերթական դատական նիստը։ Այդ գործով ձերբակալման որոշում է կայացվել սպանության գործով 50 կասկածյալներից մի քանիսի նկատմամբ։ Նրանց թվում է նաև երկրից արտաքսված դատախազ Զեքերիա Օզը։