Կաննի կինոփառատոնը հայտարարել է ընտրված 56 ֆիլմերի ցանկը

Կաննի կինոփառատոնի տնօրեն Թիերի Ֆրեմոն առցանց կոնֆերանսի ընթացքում հայտարարել է այն 56 ֆիլմերի ցանկը, որոնք պետք է ներառվեին 2020 թվականի կինոդիտման ծրագրում. այս մասին գրում է screendaily.com-ը։

Դրանք չեն մասնակցի փառատոնի մրցույթին, որը հետաձգվել է մինչև 2021 թվականը, սակայն, կհամարվի, որ այս ֆիլմերն անցել են փառատոնի ընտրական փուլը և հատուկ ֆիրմային նշան կստանան վարձույթում առաջ մղվելու համար: Այդ ֆիլմերի թվում են Ուես Անդերսոնի «Ֆրանսիացի կարգավար», Նաոմի Կավասի «Իրական մայրեր» և այլ ֆիլմեր, որոնք ստեղծվել են այս տարի։

Միևնույն ժամանակ Ֆրեմոն հիշեցրել է՝ կորոնավիրուսային համավարակի պատճառով չեն կարողացել այս տարի կազմակերպել փառատոնը նախկինում որոշված ժամկետում՝ մայիսի 12-23-ը. որոշվել է այս տարի փառատոնն անցկացնել այլ ձևով։

Նշենք՝ փառատոնն իր ողջ ընթացքում միայն մեկ անգամ էր չեղարկվել 1939 թվականին։