Գյումրիում թափառող 6-7 շներ հարձակվել են 2,5 տարեկան երեխայի վրա. Aravot.am

Գյումրու «Մուշ» թաղամասում երեկ թափառող վեց-յոթ շներ հարձակվել են երկուս ու  կես տարեկան երեխայի վրա՝  նրան բազմաթիվ վնասվածքներ պատճառելով։ Այս մասին հայտնում է Aravot.am-ը:

Երեխային բազմակի կծած վերքերով տեղափոխել են «Գյումրու Մոր ու մանկան ավստրիական հիվանդանոց», որտեղից  էլ՝  մայրաքաղաք։ Կայքի այս տեղեկությունը հաստատել է «Գյումրու Մոր ու մանկան ավստրիական հիվանդանոց»-ի տնօրեն Ժորժիկ Սերոբյանը։

Նա ասել է, որ իրենք առաջին անհրաժեշտ բուժօգնությունն են ցուցաբերել, բայց քանի որ երեխան պարանոցի շրջանում կծած վերքեր ուներ ու նեղ մասնագիտական օգնության կարիք կար, նրան տեղափոխել են մայրաքաղաք՝ «Սուրբ Աստվածամայր» բժշկական կենտրոն։