Աշոտ Ղուլյանը երախտագիտություն է հայտնել ՀՀ ԱԺ 7 նախագահներին

Արցախի Ազգային ժողովի նախագահի պաշտոնը թողնելու նախօրեին ուզում եմ իմ անկեղծ երախտագիտությունը հայտնել Հայաստանի Հանրապետության խորհրդարանի բոլոր նախագահներին, որոնց հետ անցած 15 տարիների ընթացքում համադրել ենք մեր ջանքերը երկու խորհրդարանների միջև կայուն ու արդյունավետ համագործակցություն հաստատելու և զարգացնելու ուղղությամբ: Ուրախ եմ նաև, որ ՀՀ ԱԺ բոլոր նախագահների հետ գործնական հարաբերությունները համադրվել են ջերմ բարեկամությամբ: Այս մասին Ֆեյսբուքի իր էջում գրել է Արցախի Հանրապետության ԱԺ նախագահ Աշոտ Ղուլյանը։

«Շնորհակալ եմ իմ գործընկերներին Արցախի և Արցախի խորհրդարանի նկատմամբ հոգատար ու առանձնահատուկ վերաբերմունքի համար: Վստահ եմ, որ 7-րդ գումարման խորհրդարանն ու նրա ղեկավարությունը շարունակելու և կատարելագործելու են միջխորհրդարանական համագործակցության հաստատված ավանդույթները», գրել է Աշոտ Ղուլյանը եւ լուսանկարներ հրապարակել ՀՀ ԱԺ գործող եւ նախկին 7 նախագահների հետ հանդիպումներից։