Վարակի այս տեմպերով տարածումը հանգեցնելու է առողջապահական համակարգի կոլապսի. Գոհար Մելոյան

Վարակի այս տեմպերով տարածումը հանգեցնելու է առողջապահական համակարգի կոլապսի: Այս մասին իր ֆեյսբուքյան էջում գրել է իրավաբան Գոհար Մելոյանը:

«Հարգելի ընկերնե’ր.

Այսօրվա կարեւորագույն փաստը նոր կորոնավիրուս վարակով վարակվածների գրանցված 239 դեպքն է, այն դեպքում, երբ հարեւան Վրաստանում գրանցվել է ընդամենը 6 դեպք։

Սա մինչ օրս գրանցված առավելագույն թիվն է, եւ այս պայմաններում ընդամենը 2 օրից վերացվելու են մարդկային կուտակումներ ենթադրող հիմնական սահմանափակումները։

Այդ որոշմամբ իշխանությունը համաճարակի տարածման պատասխանատվությունը դե ֆակտո փոխանցեց հանրության դաշտ՝ փորձելով խուսափել հետագա զարգացումների համար պատասխանատվությունից։

Վարակի այս տեմպերով տարածումը հանգեցնելու է առողջապահական համակարգի կոլապսի։

Եղեք առավելագույնս զգուշավոր՝ ձեր եւ ձեր ընտանիքների առողջապահական անվտանգությունը պահպանելու նպատակով»։