Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
Սահմանադրագետ Գոհար Մելոյանը քիչ առաջ տեղեկացրել է.
«ԱԱԾ-ն հաղորդագրություն է տարածել, որ իրենց Սահմանապահ զորքերը Տավուշի մարզի Կիրանց գյուղի հատվածում իրականացնում են Հայաստանի Հանրապետության պետական սահմանի պահպանությունը ստանձնելուն ուղղված նախապատրաստական աշխատանքներ: Ելնելով անվտանգային և օպերատիվ անհրաժեշտությունից Կիրանց բնակավայրում հաշվառում չունեցող քաղաքացիների ՄՈՒՏՔԸ բնակավայր ժամանակավորապես ՍԱՀՄԱՆԱՓԱԿՎԵԼ է։
ՀՀ Սահմանադրության համաձայն՝ Հայաստանի Հանրապետության տարածքում օրինական հիմքերով գտնվող յուրաքանչյուր ոք ունի ազատ տեղաշարժվելու և բնակավայր ընտրելու իրավունք:
Ազատ տեղաշարժվելու իրավունքը կարող է սահմանափակվել ՄԻԱՅՆ ՕՐԵՆՔՈՎ`
պետական անվտանգության, հանցագործությունների կանխման կամ բացահայտման,
հասարակական կարգի, առողջության և բարոյականության
կամ այլոց հիմնական իրավունքների և ազատությունների պաշտպանության նպատակով:
ԱԱԾ հաղորդագրությունը մարդկանց մուտքը Կիրանց սահմանափակելու հիմք ՉԻ կարող լինել
Արդյո՞ք առկա է իրական հիմք. խնդրում եմ ԶԼՄ ներկայացուցիչներին եւ անձանց, ում մուտքը սահմանափակվում է Կիրանց պահանջել այդ սահմանափակման իրավական հիմքը։
Կրկնում եմ մարդկանց մուտքը հնարավոր է սահմանափակել ՄԻԱՅՆ իրավական ակտի հիման վրա, որի վերաբերյալ մարդիկ պետք է իրազեկվեին, իսկ ԱԱԾ հաղորդագրությունն իրավական հիմք չի կարող լինել»։