Մայիսի 11-ից Թբիլիսին կբացվի, իսկ երկիրը կսկսի ընդունել արտասահմանցի զբոսաշրջիկներին հուլիսի 1-ից

Վրաստանի վարչապետ Գիորգի Գախարիան հայտարարությամբ է հանդես եկել, նշելով՝ մայիսի 11-ից Թբիլիսի ելումուտը կթույլատրվի. այս մասին նա հայտարարել է կառավարության այսօրվա նիստում՝ ետճգնաժամային ծրագրի ներկայացման ժամանակ. գրում է ՌԻԱ «Նովոստի»-ն , հայտնում է Yerkir.am-ը։

«Երկուշաբթի օրվանից Թբիլիսիի մուտքի և ելքի հետ կապված բոլոր տեսակի սահմանափակումները վերացվում են: Սա չի նշանակում, որ պարետային ժամի ընթացքում հնարավոր է մուտք գործել կամ դուրս գալ մայրաքաղաքից»,- հայտարարել է նա ու հավելել, որ կորոնավիրուսային պանդեմիայից հետո երկիրը կսկսի ընդունել արտասահմանցի զբոսաշրջիկներին հուլիսի 1-ից, սակայն դա պահանջում է կառավարության կողմից մանրազնին աշխատանք: