Վրաստանը պատրաստ է հուլիսի 1-ից ընդունել ռուս զբոսաշրջիկներին

Չնայած կորոնավիրուսին՝ Վրաստանը պատրաստվում է ընդունել օտարերկրյա զբոսաշրջիկներին։ Արդեն հուլիսի 1-ից, երբ դարձյալ կբացվեն սահմանները, Վրաստանը կսկսի զբոսաշրջիկների ընդունումը, այդ թվում ռուսների։ Այս մասին հայտարարել է Վրաստանի Էկոնոմիկայի նախարար Նատիա Տուրնավան. հայտնում է Deutsche Welle-ն։

«Անշուշտ Վրաստանում զբոսաշրջության վերականգնումը կընթանա անվտանգության նորմերի պահպանմամբ։ Ռուս զբոսաշրջիկները մեր տուրիզմի կարևոր մասն էին, այդ իսկ պատճառով մենք նրանց կընդունենք, ինչպես առաջ», - հայտարարել է Տուրնավան։

Երկրի վարչապետ Գեորգի Գախարիան արդեն հայտարարել էր, որ հունիսի 15-ից կբացվի ներքին տուրիզմը, իսկ հուլիսի 1-ից արտաքին։