«Google»-ը հուլիսի 6-ից կսկսի վերաբացել իր գրասենյակները

«Google» ընկերությունը հուլիսի 6-ից կսկսի բացել աշխարհում իր գրասենյակների մեծ մասը. այս մասին գրում է ՌԻԱ «Նովոստի»-ն, նշելով՝ սկզբնական շրջանում գրասենյակներում կաշխատի աշխատակիցների 10 տոկոսը: 

Նշվում է՝ սկզբում գրասենյակներ կվերադառնան այն աշխատակիցները, որոնց ներկայությունը աշխատավայրում անհրաժեշտ է: Նախատեսվում է, որ սկզբնական շրջանակում գրասենյակներում կլինի աշխատողների 10 տոկոսը, հետագայում՝ մինչև 30 տոկոսի չափով, եթե թույլ տան պայմանները: Ընկերության ղեկավարությունը նշել է, որ աշխատողների վերադարձը մինչև տարվա վերջ կլինի կամավոր:

Բացի այդ, տնից աշխատող անձանցից յուրաքանչյուրին «Google»-ը կտրամադրի 1000 դոլար ծախսերի փոխհատուցման, անհրաժեշտ սարքավորումներ, ինչպես նաև գրասենյակային կահույք ձեռք բերելու համար: