Աֆրինում քրդերը երկու թուրք զինվոր են սպանել

«Աֆրինի ազատագրության ուժերը» երկու ռազմական օպերացիա են իրականացրել՝ ուղղված թուրքական օկուպացիայի  և Աֆրինում գտնվող վարձկանների դեմ։ Այս մասին հայտնում է քրդական միավորման թելեգրամյան էջը։

Գործողությունների ընթացքում սպանվել են երկու թուրք զինվոր և երկու վարձկան, վիրավորվել է 4 վարձկան և երկու զինվեր, ոչնչացվել մի քանի ռազմական մեքենա։

Հիշեցնենք, որ Աֆրինը 2018 թ. «Ձիթենու ճյուղ» ռազմական օպերացիայից հետո հայտնվել է թուրքական օկուպացիայի տակ։ Դրանից հետո Աֆրինի շրջանից հեռացել են մոտ 200.000 բնակիչներ։ Թուրքիան այդ շրջանում իրականացնում է թուրքացման քաղաքականություն, ամենուրեք Թուրքիայի և Արդարություն և զարգացում կուսակցության դրոշներն են, Էրդողանի նկարները։