Ավելի քան 30 զոհ. ԱՄՆ-ի հարավում հզոր տորնադո է մոլեգնել

Առնվազբն 30 մարդ է մահացել ԱՄՆ հարավում տեղի ունեցած փոթորկի հետևանքով, որը սկսվել էր երկուշաբթի գիշեր և շարունակվել ամբողջ օրը. հայտնում է Yerkir.am-ը՝  USA Today-ին հղումով։

Նշվում է՝ ավելի վաղ նահանգային իշխանությունները և տեղի ԶԼՄ-ները հայտնում էին 19 զոհի և ավելի քան 10 տուժածի մասին:

Այս պահին էլեկտրականությունից զրկվել են 750 հազար տնային տնտեսություն մոտ 10 նահանգներում, իսկ հարյուրավոր տներ և ծառեր վնասվել են:

ԶԼՄ-ի տվյլաների համաձայն՝ 11 մարդ մահացել է Միսիսիպի նահանգում, 9՝ Հարավային Կառոլինայում, իսկ 6-ը՝ Ջորջիայում: Մնացյալ զոհերը գրանցվել են Արկանզասում և Հյուսիսային Կառոլինայում:

Հավելվում է նաև, որ այս տորնադոյի «բռնկումն» համարվում է ամենամահացուն վերջին 8 տարվա ընթացքում: