Արևմտյան ժողովրդավարությունների գիտական առաջընթացը չպաշտպանեց մարդկությանը. Խամենեի

Արևմտյան ժողովրդավարությունը և նրա անարդարացիությունը խաղաղություն չեն բերի ու չեն փրկի մարդկային հասարակությունը: Այսօր` ապրիլի 9-ին,  շիա 12-րդ իմամ Մահդիի ծննդյան օրվա առթիվ հեռուստաուղերձում հայտարարել է Իրանի գերագույն առաջնորդ, այաթոլլա Սեիդ Ալի Խամենեին. տեղեկացնում է yerkir.am-ը` EADaily-ին հղումով:

«Արևմտյան ժողովրդավարությունը և ազատականության տեսությունը, որ իշխում է աշխարհում, մարդկությանը չեն բերի խաղաղություն ու փրկություն: Մարդկային հասարակությունը չի զգում խաղաղություն` չնայած բոլոր գիտական նվաճումներին ու կենսակերպի փոփոխություններին: Չնայած գիտական առաջընթացին` մարդկությունը պայքարում է հիվանդությունների, անառակության, մեղքերի, անարդարության և խտրականության դեմ»,- ըստ Mehr գործակալության` նշել է նա:

Այաթոլլա Խամենեին իրանցիներին միասնականության կոչ է արել, որպեսզի հաղթահարեն «աշխարհի ամբարտավան ուժերի» ստեղծած անարդարությունը: