«Սա աղոթք է, ոչ թե համերգ». Բոչելին կերգի Միլանի դատարկ դահլիճում

Իտալացի օպերային երգիչ Անդրեա Բոչելին Սուրբ Զատիկին համերգ կունենա Միլանի դատարակ տաճարում․ այս մասին իր ֆեյսբուքյան էջում տեղեկացրել է քաղաքապետ Ջուզեպե Սալան ու հստակեցրել՝ ապրիլի 12-ին կաթոլիկական աշխարհը կնշի տոնը, անկախ այն հանգամանքից, որ երկրում կարանտինային միջոցառումները երկարացվել են մինչեւ ապրիլի 13-ը. հայտնում է Yerkir.am-ը։

Նա, մասնավորապես, նշել է.

«Ես հրավեր եմ ստացել Սուրբ եկեղեցու ղեկավարներից և Միլանի քաղաքապետից, և անշուշտ, համաձայնել եմ։ Շատ երջանիկ եմ այդ հնարավորության համար, քանի որ դա պարզապես ներկայացում չէ, պարզապես համերգ չէ. դա աղոթք է։ Ես կուզենայի մտածել, որ բոլոր լսողները կկարողանան աղոթել ինձ հետ»,- ասել է Բոչելին։

Հանրահայտ երգչին համերգի ընթացքում կմիանա ճանաչված երգեհոնահար Էմանուելե Վիանելին։ 

Համերգն ուղիղ կհեռարձակվի YouTube-ում։