Լուկաշենկոն անեկդոտ է պատմել Ժիրինովսկիի, կորոնավիրուսի և օղու մասին

Եթե հակասեպտիկները բոլորին չեն բավարարում, ձեռքերը կարելի է մաքրել օղիով. ասել է Բելառուսի նախագահ Ալեքսանդր Լուկաշենկոն` հավելելով, որ ոչ մի վատ բան չի լինի, եթե բաղնիքից հետո մարդը ոչ միայն ձեռքերը մաքրի սպրտով, այլև 100 գրամ «ներս լցնի»:

Yerkir.am-ը, «Բելնովոստի»-ին հղումով, հայտնում է, որ, այս թեման շարունակելով, Բելառուսի նախագահը անեկդոտ է պատմել Վլադիմիր Ժիրինովսկիի մասին, որը վերջերս քննադատել էր Լուկաշենկոյի առաջարկած` կորոնավիրուսի դեմ պայքարի ժողովրդական միջոցները:

«Քննադատել է, թե` օղի չի կարելի, ի՞նչ սաունա, Լուկաշենկոն սխալ է: Գալիս է տուն ու կնոջն ասում. «Հարյուր գրամ լցրու,  որ կորոնավիրուսից բուժվեմ»: Կինն ասում է. «Վոլոդյա՛, դու հենց նոր Լուկաշենկոյին քննատում էիր, թե օղին չի օգնում»: «Ես դա բոլորի համար ասացի, իսկ ինձ լցրու: Լուկաշենկոն հիմար չէ, որ ասում է»: Կինը կրկին ասում է նրան. «Վոլոդյա՛,  ռուսավարի է ախր բաղնիքից հետո հարյուր գրամ խմելը»: Ժիրինովսկի` «Դա ռուսավարի է: Իսկ ես հրեավարի` հարյուր գրամ մինչև բաղնիքը և հարյուր գրամ` հետո: Լցրու»»,- հավանորեն, իր հորինած անեկդոտն է պատմել Լուկաշենկոն:

Հետո ավելացրել է, որ ներողություն է խնդրում  Ժիրինովսկիից, սակայն իրեն չէր կարող թույլ տալ չպատմել այդ իրողությունը: