կարևոր
1609 դիտում, 3 շաբաթ առաջ - 2024-05-22 18:28
Հասարակություն

Անեկդոտ ենք մենք տեղով․ 1300 հոգի աշխատող ունեցող հիմնարկ է․ կարելի՞ է անլուրջ վերաբերվել․ ավտոբուսի վարորդ

«Պահանջում ենք՝ վերականգնել Մանուկյանին, իրենք էլ իրենց հոժար կամքով հեռանան էս հիմնարկից» ,-«Երեւանի ավտոբուս» ՓԲԸ-ի վարորդներից մեկը ներկայցնում է իրենց պահանջը։ Վարորդներն ու աշխատակիցները բողոքի ակցիա են իրականացնում ընկերությունում։ Վարորդները գործադուլ են հայտարարել եւ այս պահին Երեւանում ավտոբուսները չեն գործում:

Աշխատակիցները NEWS.am-ի հետ զրույցում ներկայացրել են իրավիճակը՝ նշելով. «Ապրիլի 8-ին նոր տնօրեն է նշանակվել Սամվել Նազարյանը, որից հետո անհիմն ազատումներ են գնում ընկերությունում, այսօր հերթը հասել է գլխավոր ճարտարագետ Անդրանիկ Մանուկյանին, ով այս ընկերության ստեղծման օրվանից աշխատում է այստեղ: Անդրանիկը «Հայգեր«» ավտոբուսների առաջին խմբաքանակից սկսած, դրանից առաջ էլ ընկերության առաջին տնօրենի հետ սկսել են այս գործունեությունը: Հիմա նոր տնօրեն են բերել, Սամվել Նազարյանին, որը քաղաքապետարանի տրանսպորտի վարչության պետի մարդն է, եւ հիմա հիմնարկը կառավարում է տրանսպորտի վարչության պետը: Տնօրենը առանց իրեն հարցնելու, ոչ մի թղթի տակ ստորագրություն չի դնում: Եկել է վարչության պետը, ու փոխանակ պարզի՝ խնդիրն ինչ է, մարդը ասում է՝ կամ բարձրացեք վերեւ աշխատեք, կամ ազատված եք բոլորդ: Ինքն ասում է՝ 10 րոպեն մեկ հեռացման հրաման եմ տալու: