Հիստերիա Բաքվում. ռուսական 8 հրատարակչատուն հրաժարվել են հրատարակել Ապրիլյան քառօրյայի և Խոջալուի վերաբերյալ ստեղծագործությունները

Ռուսաստանի տարբեր քաղաքների 8 հրատարակչատներ հրաժարվել են հրապարակել ադրբեջանցի գրող Էթիբար Ալիևի « Şairlər azad olmur» (բանաստեղծները ազատ չեն լինում) բանաստեղծությունների ժողովածուն, որը նվիրված է Խոջալուի դեպքերին և Ապրիլյան քառօրյային. այս մասին հաղորդում է vesti.az կայքը:

Միայն ռուսական Տուլա քաղաքում գտնվող հրատարակչատներից մեկն է տպել այդ գիրքը, որից սակայն հեռացվել է «Մի վաճառեք սև թաշկինակներ» (Qara yaylıq satmayın) բանաստեղծությունը, որը նվիրված է Խոջալուի դեպքերին և ապրիլյան քառօրյային:

Ադրբեջանական կայքը, ինչպես արդեն «ընդունված» է Ադրբեջանում, մեղադրել է ռուսաստանաբնակ հայերին: Ըստ կայքի՝ հայկական բիզնես-շրջանակները ճնշում են գործադրում և վախի մթնոլորտում են պահում ռուսական հասարակությանը, քաղաքական գործիչներին և ԶԼՄ-ներին, որի պատճառով էլ վախենում են փչացնել հայերի հետ հարաբերությունները:

Իր բոլոր հարևանների հետ տարածքային խնդիրներ ունեցող Ադրբեջանը զգուշացրել է Ռուսաստանին, որ «հայերը վաղ թե ուշ հավակնություններ կունենան Ստավրոպոլի և Կրասնադարի երկրամասի նկատմամբ». հայտնում է Yerkir.am-ը: