ԵԽԽՎ համազեկուցողներն իրենց մտահոգությունն են հայտնել Ադրբեջանում ցույցերը բռնի ուժով ցրելու կապակցությամբ

«Թուրան» գործակալությունը գրում է Եվրոպայի խորհրդի խորհրդարանական վեհաժողովի Մոնիթորինգի կոմիտեի համազեկուցողներ Շտեֆան Շեննախը (Ավստրիա) և Ռոջեր Գեյլը (Մեծ Բրիտանիա) իրենց լուրջ մտահոգություններն են հայտնել Ադրբեջանում վերջին շրջանում տեղի ունեցող իրադարձությունների վերաբերյալ:

Ադրբեջանական ընդդիմությունը փետրվարի 9-ին երկրում տեղի ունեցած խորհրդարանական ընտրություններից ժամանակ գրանցված կոպտագույն խախտումների դեմ ցույցեր էր կազմակերպել տարբեր քաղաքներում, որոնք ոստիկանության կողմից ցրվում էին դաժան ձևով. հայտնում է Yerkir.am-ը:

«Մենք լրջորեն անհանգստացած ենք խաղաղ ցուցարարների դեմ ոստիկանության կողմից բռնության գործադրման կապակցությամբ», - նշված է հայտարարության մեջ: ««Լրագրողներ առանց սահմանների» կազմակերպության տարածած հայտարարության մեջ նույնպես մտահոգություն էին տեղ գտել լրագրողների նկատմամբ կիրառված բռնությունների վերաբերյալ: Այս բոլոր դեպքերը պետք է հետաքնվեն, մեղավորները պատասխանատվության ենթարկվեն», - նշում են համազեկուցողները:

Նրանք գլխավորապես ուշադրություն են հրավիրել 100-ից ավել ցուցարարների ձերբակալության և դրանից առաջ ընդդիմադիր գործիչներ Իլգար Մամեդովի (ՌԵԱԼ կուսակցություն), Արիֆ Հաջիլըի (Մուսավաթ), Ռուսլան Իզզաթլեի (D18 շարժում) և Մեհման Հուսեյնովի (IRFS) ձերբակալությունների վերաբերյալ:

«Անընդունելի է բազմակարծության նման ճնշումը և դրան պետք է վերջ տրվի», - եզրափակել են համազեկուցողները: