ԵԱՀԿ ՄԽ համանախագահներն իրենց խորը մտահոգությունն են հայտնել վերջին պատահարների ու զոհերի կապակցությամբ

Համանախագահները մայիսի 27-ին հանդիպել էին Հայաստանի վարչապետ Նիկոլ Փաշինյանի հետ, իսկ մայիսի 30-ին՝ Ադրբեջանի նախագահ Իլհամ Ալիևի։ 

Հայաստանի ու Ադրբեջանի մայրաքաղաքներում համանախագահները խորհրդակցություններ են անցկացրել արտաքին գործերի և պաշտպանության նախարարների հետ:

Մայիսի 28-ին նրանք հանդիպել են նաև Արցախի Հանրապետության իշխանությունների հետ:

Համանախագահների տարածաշրջանային այցի հիմնական նպատակն էր գնահատել իրավիճակը շփման գծում և սահմանին։

Համանախագահներն առաջարկներ են ներկայացրել խնդրի կարգավորման ուղղությամբ կոնկրետ քայլեր ձեռնարկելու վերաբերյալ։

Երկու երկրների արտաքին գործերի նախարարներն ընդունել են համանախագահների առաջարկն առաջիկայում հանդիպել նրանց հովանու ներքո։ 

ԵԱՀԿ Մինսկի խմբի համանախագահներն իրենց խորը մտահոգությունն են հայտնել վերջին պատահարների ու զոհերի կապակցությամբ և կոչ արել կողմերին դրսևորել առավել զսպվածություն՝ լարվածությունից խուսափելու համար: