Մահացել է copy-paste համակարգչային հրամանի ստեղծողը

74 տարեկան հասակում մահացել է համակարգչի cut (կտրել), copy (պատճենել) և paste (տեղադրել) հրամանների ստեղծող Լարրի Թեսլերը. հայտնում է BBC-ն:

Yerkir.am-ի տեղեկացմամբ՝ Թեսլերը սկսել է աշխատել Սիլիկոնյան հովտում 1960-ականների սկզբին, երբ համակարգիչները մեծ տարածում դեռ չէին գտել:

Մասնագիտությամբ մաթեմատիկոս (ավարտել է Ստենֆորդի համալսարանը) Թեսլերի գյուտերն անձնական համակարգիչ ունեցողների համար իսկական նվեր է, քանի որ այսօր առանց դրանց անհնար է դարձել համակարգչից օգտվելը:

Թեսլերը աշխատել է նաև «Xerox» ընկերությունում:

Համակարգչային տաղանդը 1980-1997թթ. աշխատել է «Apple» կորպորացիայում: Աշխատանքից դուրս գալուց հետո նա աշխատել է նաև Amazon-ի, Yahoo-ի և այլ տեխնիկական հսկաների համար: