Ճապոնական ավտոարտադրողները վերսկսում են Չինաստանի գործարաններում արտադրությունը

Ճապոնական ավտոարտադրողները երկուշաբթի օրը վերսկսել իրենց գործարանների աշխատանքները Չինաստանում, որոնք դադարեցվել էին նոր կորոնավիրուսի բռնկման հետևանքով, հայտնում է Yerkir.am-ը՝ ՏԱՍՍ-ին հղումով:

Նշվում է՝ Toyota Motor-ը վերագործարկել է իր ձեռնարկությունները Չանչուն և Գուանչժոու քաղաքներում: Արտադրողն ավելի վաղ նախատեսում էր վերսկսել իր գործարանների աշխատանքները Չինաստանում փետրվար ամսվա սկզբին`հանգստյան օրերից հետո, լուսնային Նոր տարվա կապակցությամբ, սակայն հետաձգել էր մինչև փետրվարի 10-ը, բայց կորոնավիրուսի բռնկման հետ կապված իրավիճակը Չինաստանում չէր բարելավվել, ինչի հետևանքով էլ ժամկետները դարձյալ տեղափոխվել էին:

Yerkir.am-ն ավելի վաղ տեղեկացրել էր, որ անհայտ տեսակի վիրուսի համաճարակը բռնկվել է 11 մլն բնակչություն ունեցող Ուհան քաղաքում: Որոշ ժամանակ անց, սակայն, այն տարածվել է նաև Չինաստանից դուրս մի շարք երկրներում, ինչը համաշխարհային խուճապի պատճառ է դարձել: