Աշխարհի կրկնակի չեմպիոն Սիմոն Մարտիրոսյանն այսօր դարձավ 23 տարեկան

Ծանրամարտի աշխարհի կրկնակի չեմպիոն Սիմոն Մարտիրոսյանն այսօր`փետրվարի 17-ին դարձավ 23 տարեկան. հայտնում է Yerkir.am-ը:

Սիմոն Մարտիրոսյանն աշխարհի չեմպիոնի կոչումը նվաճել է 2018 և 2019 թվականներին, իսկ 2019-ին դարձել է Եվրոպայի չեմպիոն ու ռեկորդակիր:

Ավելի վաղ՝ 2016-ին, նա Ռիոյի օլիմպիական խաղերում արծաթե մեդալ էր նվաճել:

2019 թվականի աշխարհի առաջնության ընթացքում ծանրորդը պոկում վարժությունը կատարելիս սահմանել է աշխարհի ռեկորդ. նա գլխավերևում պահել է 199 կիլոգրամանոց ծանրաձողը:

Նշենք նաև, որ այս պահին գործընթաց է ընթանում, որով Մարտիրոսյանի՝ Ռիո-2016-ում նվաճած արծաթե մեդալը կփոխարինվի ոսկով: 

Այս պահի դրությամբ մարզիկը նախապատրաստվում է Տոկիոյի օլիմպիական խաղերին: