ՌԴ նախագահը հանձնարարել է նախապատրաստել Սահմանադրական բարեփոխումների քվեարկությունը

ՌԴ նախագահ Վլադիմիր Պուտինը պետական մարմիններին և կազմակերպություններին հանձնարարել է նախապատրաստվել ՌԴ սահմանադրությունը փոխելու համառուսական քվեարկությանը. ըստ Yerkir.am-ի՝ այս մասին հայտնում է Gazeta.ru-ն:

Նշվում է՝ համապատասխան փաստաթուղթը տեղադրված է իրավական ակտերի տեղեկատվական կայքում:

Հիշեցնենք, որ ավելի վաղ ՌԴ նախագահը Պետդումա է ներկայացրել Սահմանադրության մեջ փոփոխություններ անելու վերաբերյալ նախագիծ: Դրանցով նախատեսվում է ձևավորել Պետխորհուրդ և ընդլայնել Դաշնային խորհրդի լիազորությունները:

Հավելվում է նաև, որ հնարավոր են նաև պաշտոնատար անձանց ուղղված պահանջների խստացումներ և սոցիալական մի շարք երաշխիքների ամրագրում: