Մասիս Մայիլյանն ու Դավիթ Բաբայանն առաջադրվել են Արցախի նախագահի թեկնածու

Արցախի նախագահի թեկնածության պաշտոնում դեռևս առաջադրել են Արցախի ԱԳ նախարար Մասիս Մայիլյանն ու 

Ըստ Yerkir.am-ի՝ Արցախի ԱԳ նախարար Մասիս Մայիլյանն առաջադրվել է Արցախի նախագահի թեկնածու: Այս առնչությամբ Արցախի ԿԸՀ տարածած հաղորդագրության մեջ ասվում է.

«2020թ. փետրվարի 11-ի ժամը 17.00-ի տվյալներով ս.թ. մարտի 31-ին անցկացվելիք  համապետական ընտրություններին մասնակցելու համար ներկայացվել են Հանրապետության նախագահի երեք թեկնածուների գրանցման փաստաթղթեր. Փետրվարի 11-ին ԱՀ կենտրոնական ընտրական հանձնաժողովն ստացել է Արցախի Հանրապետության նախագահի ընտրություններին ինքնաառաջադրման միջոցով իր թեկնածությունն  առաջադրելու մասին Մասիս Սամվելի Մայիլյանի դիմումը:

Ազգային ժողովի ընտրություններին մասնակցելու համար կուսակցությունների (կուսակցությունների դաշինքների) ընտրական ցուցակների գրանցման փաստաթղթեր ԱՀ կենտրոնական ընտրական հանձնաժողովը չի ստացել»:

Միևնույն ժամանակ իր թեկնածությունն է առաջադրել նաև Արցախի նախագահի մամուլի խոսնակ Դավիթ Բաբայանը:

Իր հայտարարության մեջ նա, մասնավորապես, նշել է. 

«Թանկագի՛ն հայրենակիցներ, բարեկամներ, կուսակիցներ,

Օրենքի պահանջի համաձայն՝ այսօր Արցախի պահպանողական կուսակցությունը Կենտրոնական ընտրական հանձնաժողով է ներկայացրել 2020թ. մարտի 31-ին անցկացվելիք համապետական ընտրություններին մասնակցելու համար Հանրապետության նախագահի թեկնածու Դավիթ Կլիմի Բաբայանի գրանցման փաստաթղթերը, ինչպես նաեւ Ազգային ժողովի ընտրություններին մասնակցելու համար Արցախի պահպանողական կուսակցության ընտրական ցուցակի գրանցման փաստաթղթերը»:

Հիշեցնենք, որ Արցախում նախագահական եւ խորհրդարանական ընտրությունները տեղի են ունենալու մարտ 31-ին:

Բացի ներկայացված թեկնածուներից՝ Արցախի ԿԸՀ իրենց փաստաթղթերը ներկայացրել են նաև Արցախի նախկին վարչապետ Արայիկ Հարությունյանը և Արցախի հերոս, գեներալ-մայոր Վիտալի Բալասանյանը: