Սիրիայում մահացած թուրք զինվորների թիվը հասավ 6-ի. Ռուսաստանը հայտնում է, որ Թուրքիան չի տեղեկացրել հարձակման մասին

Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան պատասխան է տվել Իդլիբում 4 թուրք զինծառայողների մահվան համար: Էրդողանը նշել է, որ Թուրքիան  շարունակում է պատասխան գործողությունները և վճռական է տրամադրված Թուրքիայի, թուրք ազգի և եղբայր իդլիբցիների անվտանգությունն ապահովող գործողությունները շարունակելու հարցում: Էրդողանը նշում է, որ Թուրքիայի զինուժի թիրախում կա 40 հենակետ: Նախնական տվյալներով՝ արդեն սպանվել է սիրիական բանակի է 30-35 զինվոր. ըստ Yerkir.am-ի՝ հայտնում Diken.com.tr կայքը:

Թուրքական պաշտոնական աղբյուրներն արդեն հայտնում են, որ Իդլիբում սպանված թուրքերի թիվը հասել է 6-ի, վիրավորները՝ 9-ի:

Թուրքիայի նախագահի մամլո խոսնակ Իբրահիմ Քալընը հայտարարել է, որ սպանված թուրքերի արյունը գետինը չի մնա: Պաշտպանության նախարար Հուլուսի Աքարն արդեն չեղարկել է Էրդողանի հետ Կիև այցը և ուղևորվել է թուրք-սիրիական սահման:

Ռուսաստանը հայտարարել է, որ Թուրքիան տեղյակ չի պահել իր գործողությունների մասին: «Ռուսական բանակը վերահսկում է Իդլիբի լարվածության նվազման շրջանի օդային տարածքը: Թուրքական օդուժը չի խախտել սիրիական սահմանը և չի տեղեկացրել սիրիական բանակի օբյեկտների վրա հարձակման մասին և դրա պատճառով էլ ենթարկվել է հարձակման», - նշված է հայտարարության մեջ: