Ստեղծվել է կորոնավիրուսի տարածման մշտադիտարկման առցանց ծառայություն

ԱՄՆ Ջոնս Հոփքինսի անվան համալսարանի ինժեներիայի և համակարգային գիտությունների հետազոտական կենտրոնի մասնագետները մշակել են կորոնավիրուսի տարածման մշտադիտարկման առցանց ծառայություն: Քարտեզի վրա իրական ժամանակի ռեժիմով ցուցադրվում են վիրուսի տարածման օջախները, նաև վարակվածների, մահացածների և ապաքինվածների թիվը, տվյալներ, որոնք տրամադրում է Առողջապահության համաշխարհային կազմակերպությունը. տեղեկացնում է yerkir.am-ը:

Վերջին տվյալներով` աշխարհում կորոնավիրուսով վարակվածների թիվն արդեն 2886 է, մահացել է 81 մարդ:

Բացի Չինաստանից, կորոնավիրուսը հայտնաբերվել է նաև Թաիլանդում, Հոնկոնգում, Ավստրալիայում, ԱՄՆ-ում, Մակաոյում, Ճապոնիայում, Մալայզիայում, Սինգապուրում, Վիետնամում, Կանադայում և Նեպալում: