ՏԵՍԱՆՅՈՒԹ․ Ավտոներկրողները ՊԵԿ-ի դիմաց են․ բողոք ընդդեմ ավտոմաքսատունը Գյումրի տեղափոխելու, չարդարացված ստուգումների

Ավտոներկրողները, որոնք բողոքում են ավտոմաքսատունը Գյումրի տեղափոխելու դեմ, բողոքի ակցիա են անցկացնում Պետական եկամուտների կոմիտեի շենքի մոտ՝ հայտնում է Yerkir.am-ը:

Ցուցարարները հանդիպում են պահանջում վարչապետի, ոստիկանապետի և ՊԵԿ նախագահի հետ:

Նրանք վստահեցնում են, որ իրավապահները այցելում են ավտոներկրողներին, ստուգումներ իրականացնում և գործեր հարուցում՝ պահանջելով եկամտահարկ վճարել դեռ 2017-ին ներկրված և վաճառված մեքենաների համար:

Ավտոներկրողների միության նախագահ Տիգրան Հովհաննիսյանն ասաց, որ իրենց առաջարկել են հանդիպել նախագահի տեղակալ Ռաֆիկ Մաշադյանի հետ:

Մինչ այդ նրանց էր մոտեցել ՊԵԿ մամուլի խոսնակ Լուսինե Մկրտչյանը, որին իրենց պահանջները գրավոր փոխանցել էին՝ մաքսատունը Գյումրիից տեղափոխելու, աջ ղեկով մեքենաների ներկրման արգելքի, բեռնափոխադրման և այլ հարցերի հետ կապված:

«Մաքսատունը արդյունավետ չի աշխատում, մեքենաները բեռնաթափող կազմակերպության աշխատանքի հետևանքով մեքենաները վնասվում են: Կարաք հրապարկեք ընկերության անունը, մեկ էլ՝ թե ով է դրա սեփականատերը, ինչ տենդեր է եղել: Իմ ոչ պաշտոնական տվյալներով՝ հենց Գյումրու մաքսատան պետն է»,-ասաց ակցիայի մասնակիցներից մեկը:

Հիշեցնենք, որ հունվարի 1-ից ավարտվում է 2014 թվականին ԵԱՏՄ ամդամագրվելիս Հայաստանին տրված արտոնությունը եւ մի քանի անգամ  բարձրանալու են ավտոմեքենաների մաքսազերծման գները:  

Այդ արտոնության համաձայն`Հայաստանում 5 տարի ժամկետով հետաձգվել էին մաքսային վճարների փոփոխությունները:

Ավտոներկրողները դժգոհ են նաեւ Գյումրու Հյուսիսային մաքսատնից, որն արդեն շահագործման է հանձնվել:

Առավել մանրամասն՝ տեսանյութում․