Վրաստանի համար ամենախոշոր արտահանող երկիրը ՌԴ-ն է

2019 թվականի հունվար-հոկտեմբերին Վրաստանից ամենից շատ ապրանք արտահանվել է Ռուսաստան: Ըստ «Գրուզստատ»-ի նախնական տեղեկությունների՝ խոշորագույն արտահանողների եռյակում են Ռուսաստանը՝ 409.8 մլն դոլար, Ադրբեջանը՝ 400.4 մլն դոլար, Հայաստանը՝ 310.4 մլն դոլար. ըստ Yerkir.am-ի՝ հայտնում է «Գրուզիա Online»-ը:

2019 թվականի հունվար-հոկտեմբերին տասը խոշորագույն երկրների բաժինը կազմել է Վրաստանի արտահանման ընդհանուր ծավալի 72.7 տոկոսը:

Միևնույն ժամանակ 2019 թվականի հունվար-հոկտեմբերին տասը խոշորագույն ներմուծող երկրների բաժինը կազմել է Վրաստանի ներմուծման ընդհանուր ծավալի 65.6 տոկոսը:

Առաջատարների եռյակում են Թուրքիան՝ 1300.3 մլն դոլար, Ռուսաստանը՝ 774.2 մլն դոլար, և Չինաստանը՝ 721.2 մլն դոլար: