Պատերազմն ավարտելու ճանապարհին հարկավոր է անցնել երեք գլխավոր փուլերով. Զելենսկին՝ Դոնբասի հակամարտության մասին

Դոնբասի հակամարտության ավարտը հնարավոր է թեժ փուլի դադարեցումից, մարդկանց հաշտեցումից, ինչպես նաև անվտանգ վերաինտեգրումից հետո. հայտարարել է Ուկրաինայի նախագահ Վլադիմիր Զելենսկին՝ ելույթ ունենալով Մարիուպոլի Միասնության համաժողովում. հայտնում է ՏԱՍՍ-ը:

«Մոլորակի բոլոր անկյուններում զինված հակամարտությունների և պատերազմների միջազգային փորձն ապացուցում Է՝ պատերազմն ավարտելու ճանապարհին հարկավոր Է անցնել երեք գլխավոր փուլերով»,- նշել է երկրի նախագահը:

Առաջին փուլը, պետության ղեկավարի կարծիքով, «թեժ փուլն ավարտելն է և հրադադարը»: Ընդ որում՝ Զելենսկին վստահություն Է հայտնել, որ դրան կհաջողվի հասնել մոտ ժամանակներս: Որպես երկրորդ փուլ՝ նա նշել է մարդկանց հաշտվելը, փոխհամաձայնության հասնելը:

«Երրորդ փուլն անվտանգ վերաինտեգրումն է»,- հավելել է Զելենսկին:

Նախագահը շեշտել Է, որ այս բոլոր երեք փուլերով պետք է անցնեն պետության և հասարակության հետ համատեղ: