Զելենսկին պատրաստ է խզել բոլոր հարաբերությունները Դոնբասի հետ

Ուկրաինայի նախագահ Վլադիմիր Զելենսկին հայտարարել է, որ եթե Դոնբասում հակամարտության կարգավորման տարբերակներից ոչ մեկը չաշխատի, տարածաշրջանի հետ բոլոր կապերը խզելու պատրաստակամության հարցը կդրվի հանրաքվեի: Այս մասին նա հայտարարել է «1+1» հեռուստաալիքին տված հարցազրույցում. հաղորդում է ՌԻԱ «Նովոստի»-ն:

«Ես հավատում եմ, որ այդ ծրագիրը կարող է գոյություն ունենալ, բայց այդ ծրագիրը գործարկելու որոշումը պետք է ընդունի Ուկրաինայի ժողովուրդը»,- ասել է Ուկրաինայի նախագահը:

Ըստ նրա՝ եթե այլընտրանքային համաձայնագրեր չստացվեն ԱՄՆ-ի, Ռուսաստանի հետ և, դրան զուգահեռ, Նորմանդիայի ձևաչափով, ապա Ուկրաինայի քաղաքացիները կքվեարկեն հարաբերությունների խզման օգտին: