Ադրբեջանի փոխարտգործնախարարը հրաժարական է տվել

Ադրբեջանի արտաքին գործերի փոխնախարար Հաֆիզ Փաշաևը դիմել է նախագահ Իլհամ Ալիևին՝ հրաժարականի խնդրանքով. հայտնում է qafqazinfo.az-ը:

Դիմումում Փաշաևը մանրամասնում է, որ իր գործունեության 27 տարիներին աշխատել է անկախ Ադրբեջանի պետական կառույցներում։ Նկատի առնելով պետական ծառայությունում նոր եւ երիտասարդ կադրերի ներգրավման կոչը՝ Ադրբեջանում պետության ղեկավարի գլխավորությամբ իրականացվող բարեփոխումների ավելի արդյունավետ իրագործման համար, Փաշաևը որոշում է կայացրել սեփական ցանկությամբ թողնել փոխնախարարի պաշտոնը։

Բայց նա գործունեությունը կշարունակի  որպես ԱԳՆ Կոլեգիայի անդամ՝ հաշվի առնելով այն, որ նրա գլխավորած ԱԴԱ համալսարանը գործում է երկրի արտաքին քաղաքական գերատեսչությանը կից։

Հավելենք, որ ընդդիմադիր Meydan TV-ին ավելի վաղ հայտնել էր, որ Փաշաևն այլև ցանկություն չունի աշխատելու այդ պաշտոնում: