Իսրայելի նախագահը կառավարություն կազմելու մանդատը տվել է Նեթանյահուին

Իսրայելի նախագահ Ռեուվեն Ռիվլինը երկրի գործող վարչապետ Բինյամին Նեթանյահուին կառավարություն կազմելու մանդատ է տվել: Այս մասին հայտնում է Reuters լրատվական գործակալությունը:

Նման որոշում Իսրայելի նախագահն ընդունել է Կնեսետ անցած կուսակցությունների հետ խորհրդակցություններից հետո: Պատգամավորներից 55-ն  իրենց աջակցությունն են հայտնել Նեթանյահուին, համապատասխանաբար՝ 54-ը՝ նրա գլխավոր մրցակից Բենի Գանցին:

Ռիվլինը միևնույն ժամանակ զգուշացրել է, որ Նեթանյահուն 28 օրվա ընթացքում պետք է կոալիցիա ձևավորի: Նշված ժամկետը կարող է երկարացվել ևս 14 օրով: Հակառակ դեպքում՝ այդ հնարավորությունը կտրվի մեկ այլ պատգամավորի:

Հիշեցնենք, որ օրեր առաջ Իսրայելում կայացած արտահերթ խորհրդարանական ընտրությունների արդյունքում Նեթանյահուի կուսակցությունը 32 մանդատ էր ստացել, իսկ Իսրայելի բանակի գլխավոր շտաբի նախկին ղեկավար Բենի Գանցի դաշինքը՝ 33:

Ինչ վերաբերում է միասնության կառավարություն կազմելուն, ապա կողմերնայդ  հարցում համաձայնության չէին եկել: