Լիբանանում ՀՅԴ պատվիրակությունը Հայ կաթողիկե պատրիարքի հետ քննարկել է կառավարություն կազմելու օրակարգը

ՀՅԴ Լիբանանի Կենտրոնական կոմիտեի և հայկական պատգամավորական բլոկի ներկայացուցիչ, պատգամավոր Հակոբ Բագրատունին և զբոսաշրջության դաշնակցական նախարար Ավետիս Կիտանյանը այցելել են Հայ կաթողիկե Գրիգոր Պետրոս պատրիարքին և քննարկել կառավարություն կազմելու օրակարգը և այդ կառավարության մեջ լիբանանահայության ներկայացուցչության խնդիրը:

Ըստ Aztagdaily-ի`  հանդիպմանը ներկա է գտնվել Հայ կաթողիկե համայնքի Բեյրութի պատրիարքական թեմի օգնական եպիսկոպոս Գևորգ Ասատուրյանն ու Մանուել եպս. Պաթաքյանը:

ՀՅԴ պատվիրակությունը ներկայացրել է կառավարության կազմության հարցն ու հայության իրավունքների պաշտպանության առնչությամբ ի գործ դրված ճիգերը: Հանդիպման ընթացքում քննարկվել են նաև Լիբանանի հայության դիմագրաված դժվարությունները, հատկապես ընկերային և կրթական մակարդակներում: