ԼՀԿ-ի նախագծերը չընդունվեցին կառավարությունում, բայց առաջին ընթերցմամբ վավերացվեցին ԱԺ-ում. «Փաստ»

«Փաստ»-ը գրում է. «Նախորդ քառօրյայի ժամանակ խորհրդարանն առաջին ընթերցմամբ ընդունեց «Լուսավոր Հայաստան» խմբակցության կողմից ներկայացված՝ «Ազգային անվտանգության մարմիններում ծառայության մասին» ՀՀ օրենքում փոփոխություններ կատարելու մասին և «Ոստիկանությունում ծառայության մասին» ՀՀ օրենքում փոփոխություններ կատարելու մասին նախագծերը։

Այս նախագծերը կառավարությունում ի սկզբանե բացասական եզրակացություն են ստացել, այսինքն՝ իշխանությունները փաստացի դեմ են եղել։ Սակայն իրավիճակը շատ արագ փոխվեց, ու հիմա բոլորով արդեն կողմ են:

«Մտքափոխության» հերթական դրսևորման պատճառը ներքին խմորումներն են: «Փաստ» թերթի աղբյուրի փոխանցմամբ, երբ արդեն մամուլում «սլիվներ» էին գնացել Արթուր Վանեցյանի հրաժարականի մասին, Փաշինյանը «Իմ քայլը» խմբակցության պատգամավորներին կարգադրել է մի մարդու նման կողմ քվեարկել և անցկացնել «Լուսավորի» նախագիծը, որով, ի դեպ, նախատեսվում է, որ ԱԱԾ-ն և ոստիկանությունը կարող են ղեկավարել նաև քաղաքացիական անձինք։ 

Արդյունքում նախագիծը պետաիրավական հանձնաժողովում ստացել էր դրական եզրակացություն, այնուհետև անցել առաջին ընթերցումը»:

Մանրամասները՝ թերթի այսօրվա համարում։