Այս պահին Երևանում sett-weather
Փոխարժեքներ 04 11 2025
USD ⚊ $ 382.55
EUR ⚊ € 440.47
RUB ⚊ ₽ 4.7293
GBP ⚊ £ 502.25
GEL ⚊ ₾ 141.19
կարևոր
0 դիտում, 6 տարի առաջ - 2019-09-19 10:53
Աշխարհ

Սպիտակ տունը հաստատել է՝ Թրամփն ու Զելենսկին կհանդիպեն

Սպիտակ տունը հաստատել է՝ Թրամփն ու Զելենսկին կհանդիպեն

ԱՄՆ փոխնախագահ Մայք Փենսը և Ուկրաինայի նախագահ Վլադիմիր Զելենսկին չորեքշաբթի հեռախոսազրույց են ունեցել, որի ընթացքում քննարկել են երկու երկրների հարաբերությունները և Նյու Յորքում՝ ՄԱԿ-ի Գլխավոր ասամբլեայի շրջանակում, ԱՄՆ նախագահ Դոնալդ Թրամփի հետ Ուկրաինայի նախագահի առաջիկա հանդիպումը: Այս մասին հայտնում է ՌԻԱ «Նովոստի»-ն՝  վկայակոչելով սեփական աղբյուրները:

Ավելի վաղ ՄԱԿ-ում Ուկրաինայի մշտական ներկայացուցիչ Վլադիմիր Ելչենկոն հայտարարություն էր տարածել, որի համաձայն՝ ԱՄՆ-ի և Ուկրաինայի նախագահների հանդիպումը Գլխավոր ասամբլեայի շրջանակում կարող է տեղի ունենալ սեպտեմբերի 23-26-ն ընկած ժամանակահատվածում:

«Փոխնախագահը հեռախոսազրույց է ունեցել Ուկրաինայի նախագահ Վլադիմիր Զելենսկիի հետ ու նրա հետ քննարկել հաջորդ շաբաթ Նյու Յորքում ՄԱԿ-ի Գլխավոր ասամբլեայում նախագահ Զելենսկիի առաջիկա հանդիպումը Թրամփի հետ», - նշված է ԱՄՆ փոխնախագահի մամուլի ծառայության տարածած հաղորդագրությունում:

Ելչենկոյի խոսքով՝ Փենսը հեռախոսազրույցի ընթացքում նաև «հաստատել է Միացյալ Նահանգների աներեր հանձնառությունն Ուկրաինայի ինքնիշխանությանն ու տարածքային ամբողջականությանը» ու բարձր գնահատել Ուկրաինայի նոր վարչակազմի՝ «օրենսդրական բարեփոխումների միջոցով կոռուպցիայի դեմ պայքարի համարձակ գործողությունները, ինչպես նաև ԱՄՆ-ի կողմից լիակատար աջակցություն է հայտնել  այդ ջանքերին»:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը