Փաշինյանին ծածկել են. իրավիճակը հետ է փոխվում (լուսանկար)

Երևանի ավտոբուսներից մեկում հեղափոխությունից հետո փակցրել էին Նիկոլ Փաշինյանի՝ «դուխով» գլխարկով լուսանկարը: Yerkir.am-ի ֆոտոխցիկը ֆիքսել է, որ այս օրերին Փաշինյանի նկարը ծածկել են արևադարձային լողափի պաստառով, որի տակից դեռ աղոտ ուրվագծվում է «վարչապետ» գրությունը:

Փաստորեն, իրավիճակը, որ փոխվել էր «թավշյա» հեղափոխության հաղթանակով, աստիճանաբար հետ է փոխվում: Կարելի է եզրակացնել, որ «դուխ» հավաքած՝ այդ օրերին ՀՀԿ֊ից ճողոպրած ակտիվիստները, որոնցից ոմանք իրենց՝ ՀՀԿ֊ին անդամակցությունը դավաճանաբար որակեցին «ֆիկտիվ», աստվածաշնչյան «անառակ որդու»  նման քիչ-քիչ վերադառնում են հորական տուն: Եվ ինչպես՝ «թատրոնը սկսվում է հանդերձարանից», այնպես էլ, իրավիճակի փոփոխությունն իրեն զգացնել է տալիս ավտոբուսների ու տաքսիների խցիկներից:   

Եզրակացնենք. Վանեցյանի հեռացումով վերանում են նաև այն վերջին հարթակները, որոնց շնորհիվ հասարակությունը որոշակիորեն լուրջ էր ընկալում այս իշխանություններին։