Ղրղզստանի նախկին նախագահը հրաժարվել է համագործակցել հետաքննության հետ

Իշխանությունների կողմից ձերբակալված՝ Ղրղզստանի նախկին նախագահ Ալմազբեկ Աթամբաեւը հրաժարվել է համագործակցել հետաքննության հետ: Օգոստոսի 9-ին լրագրողների հետ կայացած հանդպմանն այդ մասին հայտարարելէ պետության նախկին ղեկավարի փաստաբան Սերգեյ Սլեսարյովը։

«Աթամբաեւը հրաժարվել է համագործակցել հետաքննության հետ եւ չի ստորագրել որեւէ փաստաթուղթ»,- նշել է նա: Սլեսարյովի ասելով՝ խոսքը վերաբերում է խափանման միջոցի փոփոխման միջնորդության որոշմանը, խափանման միջոցի մասին փաստաթղթին, ինչպես նաեւ հարցաքննության արձանագրությանը եւ դատավարական նորմաներով նախատեսված այլ թղթերի:

Աթամբաեւը հատուկ գործողության արդյունքում ձերբակալվել է օգոստոսի 8-ին Չույսկի մարզի Կոյ-Տաշ գյուղի իր նստավայրում, հաղորդել է ՏԱՍՍ-ը: