Facebook-ը հրաժարվել է համագործակցել Google-ի հետ

Google կորպորացիայի գլխավոր տնօրեն Արիկ Շմիդտը հայտարարել է, որ իր ընկերությունը փորձել է համագործակցել Facebook սոցիալական ցանցի հետ, սակայն այդ փորձը հաջողությամբ չի պսակվել:

Նրա խոսքերով` ընկերությունների ներկայացուցիչները հանդիպել են Սան Ֆրանցիսկոյում անցկացված համաժողովի ժամանակ, սակայն, չնայած առաջարկների բազմազանությանը, Facebook-ը հրաժարվել է համագործակցել եւ իր տվյալների բազան Google-ին հասանելի դարձնել:

«Մենք արեցինք ամեն ինչ, որպեսզի համոզենք Facebook-ին, սակայն նրանք պատրաստ չեն մեզ հետ պայմանագիր կնքել»,- ասել է Շմիդտը` չմանրամասնելով, թե կոնկրետ ինչ գործարք է առաջարկել Google-ը:

Նա նաեւ ընդգծել է, որ Google-ը հավատում է բիզնեսի բնագավառում գործընկերությանը եւ մտադիր չէ այլ ընկերություններ գնել, կլանել դրանք կամ իրեն միացնել: