Թուրք քաղաքապետը Աթաթուրքի արձանի կողքին կանգնեցրել է իր ու կնոջ արձանը

Թուրքիայի Իզմիր նահանգի Թորբալը քաղաքի քաղաքապետ, ընդդիմադիր Հանրապետական-ժողովրդական կուսակցության անդամ Իսմայի Ույգուրը Աթաթուրքի արձանի կողքին կանգնեցրել է իր և կնոջ արձանը. հաղորդում է sondakika.com կայքը:

Քաղաքապետ Ույգուրը դեռևս 2006 թվականին էր կանգնեցրել Աթաթուրքի արձանը: Լրատվամիջոցները բացահայտել են, որ Թուրքիայի հիմնադրի կողքին ավելացված երիտասարդ տղան և աղջիկը նմանություններ ունեն գործող քաղաքապետի և նրա կնոջ հետ:

Ույգուրը նաև հայտնի է դարձել ևս մեկ սկանդալով` իր 24 ամյա որդուն` Էֆե Ույգուրին, նշանակել էր քաղաքապետարանին կից կառույցներից մեկի փոխտնօրեն` սահմանելով 7 հազար լիրա աշխատավարձ: