Ադրբեջանը պատրաստվում է Ստեփանակերտում Ստեփան Շահումյանի արձանի փոխարեն Հեյդար Ալիևի արձանի տեղադրմանը․ Նաիրի Հոխիկյան

Մեդիափորձագետ Նաիրի Հոխիկյանը գրում է.

«Ադրբեջանում պատրաստվում են առաջիկա օրերին Ստեփանակերտի կենտրոնում՝ Ստեփան Շահումյանի արձանի փոխարեն Հեյդար Ալիևի արձանի տեղադրմանը։

Որոշումն արդեն ուժի մեջ է մտել, շինարարական աշխատանքները մեկնարկել են։

Մեր Ստեփանակերտի Սուրբ Աստվածամայր եկեղեցուց մինչև հրապարակ իջնող Վազգեն Սարգսյանի անվան գեղեցիկ պողոտան փոխվել է Նուրի փաշայի անունով, «Պիտաչոկից» մինչև Ազատության հրապարակ՝ «Կալչեվոյ» հասնող Ազատամարտիկների պողոտան՝ Ադրբեջանի պողոտա, Թումանյանի փողոցը՝ Ռասուլզադեի փողոց, Հեքիմյան փողոցը՝ Ահմեդ Ջավադի փողոց, դեպի «Դեդո-բաբոյի» արձան տանող Մեսրոպ Մաշտոցի փողոցը՝ Բաքվի փողոց։

Ամենակարևորը, Ստեփանակերտի «Երևան» հյուրանոցի անունը պահպանել են՝ վերափոխելով «Իրեվան»։ Սպասենք Ստեփանակերտի դպրոցներից մեկը Նիկոլ Փաշինյանի անունով կոչելուն»։