Զուրաբիշվիլին մեկնաբանել է Պուտինի հասցեին հնչած հայհոյանքները

Արդեն հայտնել ենք, որ վրացական «Ռուսթավի 2» -ի հաղորդավար Գեորգի Գաբունիան ռուսերեն լեզվով դիմել է ՌԴ նախագահ Վլադիմիր Պուտինին և կիրառել հայհոյախառն արտահայտություններ: Վրաստանի ԱԳՆ-ն դատապարտել է այդ հայտարարությունը:

Россия Сегодня-ն հայտնում է, որ Վրաստանի նախագահ Սալոմե Զուրաբիշվիլին նույնպես դատապարտել է այդ քայլը` նշելով, որ դա թշնամանքի հրահրում է, որը հակասում է վրացական ավանդույթներին և նպաստում միայն երկրում լարվածության մեծացմանը:

Վրաստանի վարչապետ Մամուկա Բախտաձեն մեղադրել է հաղորդավարին սադրանքի մեջ:

Ըստ Sputnik Грузия-ի` այդ միջադեպից հետո հեռուստաընկերության աշխատակիցները սկսել են ազատվել աշխատանքից: