Ֆրանսիայում աքլորը մեղադրվում է չափազանց աղմկոտ լինելու մեջ. կայացել է գործով առաջին դատական նիստը

Ֆրանսիայի ամենահայտնի թռչնին` Մորիս անունով աքլորին, ֆրանսիական դատարանը տուգանել է: Աքլորը մեղադրվում է չափազանց շատ աղմկոտ լինելու, այլ կերպ ասած` շրջակա միջավայրում սահմանված աղմուկի շեմն անցնելու մեջ:

Ռոշֆոր տարածաշրջանային դատարանում երեկ կայացել է «աղմոտ աքլորի» գործով առաջին դատական նիստը: Գործով վկաները պնդում են` Մորիսը չափազանց բարձր ձայն է արձակում ամեն առավոտ 6.30-ին` խաթարելով իրենց հանգիստը:

Այնուամենայնիվ, Ֆրանսիայի տարբեր հատվածներում մարդիկ «Ես Մորիսն եմ» գրությամբ շապիկներ ու ցուցանակներ են պատրաստել` նշելով, որ մեղադրանքն անհիմն է:

Անգամ տեղի` Շարանտ Մարիտիմ դեպարտամենտի խորհրդի նախագահ Դոմինիկ Բյուսերոն է անդրադարձել միջադեպին: Նա իր թվիթերյան պաշտոնական միկրոբլոգում գրառում է կատարել. «Մենք մեր համերաշխությունն ենք հայտնում Մորիս աքլորին, և ես չեմ կատակում»: