ԵԱՀԿ-ն ողջունել է Հայաստանի և Ադրբեջանի միջև ձերբակալվածների փոխանակումը

ԵԱՀԿ գործող նախագահ, Սլովակիայի ԱԳ նախարար Միրոսլավ Լայչակը հանդիպել է Մինսկի խմբի համանախագահների հետ: Հանդիպմանը մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը. հայտնում է РИА Новости-ն` ԵԱՀԿ պաշտոնական կայքին հղումով:

Միջնորդները տեղեկացրել են  ԵԱՀԿ գործող նախագահ Միրոսլավ Լայչակին ապրիլի 15-ին Մոսկվայում և հունիսի 20-ին Վաշինգտոնում համանախագահների հովանու ներքո Հայաստանի և Ադրբեջանի արտգործնախարարների միջև կայացած հանդիպումների արդյունքների մասին:

Անդրադարձ է եղել նաև Հայաստանի և Ադրբեջանի միջև ձերբակալվածների փոխանակմանը, որի մասին տեղեկացրել ենք երեկ:

Նշվում է, որ Լայչակը ողջունել է այդ քայլը` ասելով, որ «սա ցույց է տալիս, որ երկխոսությունը հակամարտության հետևանքով տուժած մարդկանց համար կարող է դրական արդյունքներ գրանցել»: