Մեր հայ ընկերները պետք է զգոն լինեն. Շոյգուի խորհրդական

ՌԴ ՊՆ ղեկավարի խորհրդական Անդրեյ Իլնիցկին մեկնաբանել է ամերիկյան Rand Сorporation կազմակերպության զեկույցը, որում խոսվում էր ՌԴ-ին դիմակայելու դրույթների մասին. հայտնում է Русарминфо-ն:

Զեկույցում մասնավորապես ասվում է, որ ԱՄՆ-ը պետք է ընդլայնի իր կապերը Հարավային Կովկասի երկրների հետ:

«Նրանք` ամերիկացիները, կխաղան այստեղ` Կովկասում: Նրանք արձանագրում են, որ ՌԴ-ն շատ ուժեղ է Հյուսիսային Կովկասում: Իսկ այստեղ խաղալով հակասությունների վրա… Նրանք ասում են, որ Ադրբեջանն անխուսափելիորեն կշարժվի դեպի Արևմուտք: Իսկ որպես այդ սյուժեի ավարտ` ես հիշեցնում եմ` որտեղ է ԱՄՆ-ի ամենամեծ դեսպանատունն աշխարհում` Հայաստանում: Եվ դա պատահական չէ: Իհարկե,  նրանց  ուշադրության կենտրոնում միայն Հայաստանը չէ, այլև ամբողջ տարածաշրջանը: Այնուամենայնիվ, մեր հայ և ադրբեջանցի ընկերնե'ր, զգոն եղեք, թշնամին քնած չէ»,- ասել է նա: